Lidhja e Bizneseve të Kosovës e vlerëson si lajm shumë pozitiv për vendin heqjen e masave financiare nga Komisioni Evropian

Lidhja e Bizneseve të Kosovës e vlerëson si lajm shumë pozitiv për vendin heqjen e masave financiare nga Komisioni Evropian

Lidhja e Bizneseve të Kosovës e konsideron si një zhvillim shumë të rëndësishëm dhe inkurajues për ekonominë e vendit vendimin e Komisioni Evropian për heqjen e të gjitha masave financiare ndaj Kosovës.

Këto masa, të cilat ishin në fuqi për një periudhë të caktuar, u vlerësuan si të padrejta dhe me ndikim negativ për bizneset dhe zhvillimin ekonomik të Kosovës, duke kufizuar qasjen në fonde dhe duke penguar projekte të rëndësishme zhvillimore.

Heqja e tyre pritet të krijojë një klimë më të favorshme për investime, të lehtësojë bashkëpunimin ekonomik me partnerët ndërkombëtarë dhe të ndikojë pozitivisht në rritjen ekonomike të vendit.

Lidhja e Bizneseve të Kosovës thekson rëndësinë e vazhdimit të reformave dhe forcimit të partneritetit me institucionet evropiane, në mënyrë që të sigurohet një zhvillim i qëndrueshëm dhe integrim i mëtejmë në tregjet evropiane.