Ngushëllim për ndarjen nga jeta të Dr. Bujar Bukoshit

Sot, me respekt të thellë, kam nënshkruar librin e zisë për ndarjen nga jeta të një figure të shquar të historisë sonë – Dr. Bujar Bukoshi, Ish-Kryeministër i Republikës së Kosovës në ekzil.

 Dr. Bukoshi ka qenë një figurë e rëndësishme dhe kontribuues i madh për shtetin e Kosovës – si Kryeministër në ekzil gjatë viteve të ’90-ta, por edhe si njëri ndër nënshkruesit e Deklaratës së Pavarësisë më 17 shkurt 2008. Kontributi i tij do të mbetet përgjithmonë pjesë e kujtesës institucionale dhe të historisë së shtetformimit të vendit tonë.

Në emër të Lidhjes së Bizneseve të Kosovës, i shpreh ngushëllimet më të sinqerta familjes Bukoshi, miqve dhe gjithë qytetarëve të Republikës së Kosovës për këtë humbje të madhe.

U prehtë në paqe!